دايم نشوف مقاطع وصور حلوه في مواقع التواصل الاجتماعي مثل الإنستقرام والفيس بوك وتويتر وسناب شات وغيرها من تطبيقات التواصل الإجتماعي لكن مشكلة هذي التطبيقات انها ماتوفر لنا ميزة تحميل المقاطع والصور في تطبيقاتها على اساس انهم مهتمين بخصوصية المستخدمين وهم ماوراهم ثقه واولهم زوكربيرغ ذا المهم ماعلينا .
هنا جاء دور المطوريين الرهيبين اللي يوفرون لنا مميزات مانعتها تطبيقات التواصل الاجتماعي ومنها حفظ المقاطع الصور ولأني لاحظت في الفترة الاخيرة بعض مستخدمين الاندرويد يشتكون ان اغلب التطبيقات ماتشتغل او يحتكرون عليهم ويخلون التحميل محدود عشان يدفعون مقابل في نسخة البرو لكن قلت اليوم اخدمهم واجيبلهم تطبيق شغال وبدون اي مشاكل ومافي حدود للتحميل فيه يعني حمل براحتك والتحميل من التطبيقات المذكورة فوق وهي الانستقرام والفيس بوك والواتس اب والتطبيق يتميز بسهولة الاستخدام .
طريقة استخدام التطبيق جداً سهله كل اللي عليك تنسخ رابط الفيديو من الانستقرام وتروح للتطبيق وتختار انك بتحمل من الانستقرام وتلصق الرابط وراح يجيك حفظ الصورة او الفيديو واختار اللي يعجبك ومبروك عليك التحميل .
