بعد غياب طويل عن هذه السلسة والشروحات تحمست للعودة وتنزيل شروحات للادوات و الجيلبريك واشياء كثير ،ما نطول في الموضوع طبعاً سلسلة ادوات السيديا لهذا الاسبوع ان شاءالله راح تكون اسبوعية وراح انزلها بشكل مستمر واسبوعي وراح انزل فيها ادوات سيديا اسبوعياً .

اولاً نبدأ مع اول اداة وهي اداة Not a bypass هالاداة لـ جيلبريك palera1n على iOS 15 و iOS 16 وهي راح تمكنك من تجاوز الجيلبريك او تجاوز التطبيقات اللي تكشف الجيلبريك يعني مثل تطبيقات البنوك وابشر وتطبيقات اخرى كثير .

ثانياً اداة YTHoldForSpeed وظيفة هالاداة تسمح للمستخدم بتغيير سرعة تشغيل اي مقطع فيديو على تطبيق اليوتيوب عن طريق الضغط المستمر وتقدر تعدل على اعدادات الاداة زي ما تبغى .

ثالثاً اداة TwistNTurn هالاداة راح تضيفلك زر عائم في شاشة الجهاز تقدر من خلاله قفل وتشغيل تدوير الشاشة في اي وقت وداخل اي تطبيق ،تقدر تعدل على لون الزر والحجم وغيره من اعدادات الاداة .

رابعاً اداة SafeModeMuteToggle هالاداة جداً بسيطة وظيفتها تخلي زر كتم الصوت يدخل في الوضع الامن او Safe Mode بسهولة عن طريق تبديل زر كتم الصوت مرتين .
إلى هنا انتهيت من الادوات وهذي افضل ادوات السيديا لهذا الاسبوع وافضل اداة من بينهم بالنسبة لي كانت اداة تجاوز الجيلبريك وهي اداة Not a bypass .