اغلب الطرق المشروحه حالياً عن تكرار البرامج معد تنفع مع iOS 8 لذلك حبيت اشرح طريقة تقدر من خلالها تكرر البرامج مثل الواتس والبي بي ام والكيك وغيرها من البرامج طبعاً عشان تطبق الشرح تحتاج جيلبريك واذا عندك جيلبريك كمل الشرح معي واذا ماعندك تقدر تسوي جيلبريك من هنا طريقة عمل الجيلبريك ليدعم .

طيب حاليا نروح للسيديا ونضيف هالسورس apt.25pp.com بعد اضافة هالسورس ادخل السورس وابحث عن المتجر الصيني وبتحصل اسمه زي كذا pp助手2.0 وتحمل ايضاً هالاداة .

تكرار البرامج في iOS 8

وتحمل ايضاً اداة اسمها Apple File Conduit 2 وجميعها من نفس السورس الصيني بعد تحميل جميع الادوات نتجه للمتجر الصيني PP25 ونحمل منه التطبيق اللي نبي نكرره طبعا اي تطبيق حملته من App Store ماينفع تكرره لازم تحمله من المتجر الصيني بعد تحميل التطبيق اللي تبي تكرره من المتجر الصيني .

تكرار البرامج في iOS 8

ننتقل الى الدائرة التي … تحمل ثلاث نقاط اخر شيء ع اليمين وبعدها ننتقل الى علامة الشنطة اللي هي رابع خيار من فوق بعدها راح تظهر لنا البرامج نختار البرنامج اللي نبي نكرره ثم نضغط اول خيار مثل الصورة .

تكرار البرامج في iOS 8

بعدها راح يظهر لنا مربع وفيه اسم البرنامج حاليا انت هنا تختار وش تبي اسم البرنامج يكون مثال اذا اخترنا الواتس اب راح يجينا في المربع مكتوب WhatsApp انت هنا تغيره وتكتب مثلا WhatsApp 2  او اي شيء تبيه بعدها تضغط على المربع الازرق وتنتظر لين يخلص بعد مايخلص تجيك رسالة ب اللغة الصينية انه انتهى تروح للصفحه الرئيسية وتحصل برنامجين واتس اب راح تحصل الاساسي اللي هو WhatsApp وتحصل الثاني اللي انت سويته وانا مثلا سميته WhatsApp 2 وبعدها تقدر تستخدمين البرنامجين برقمين مختلفه وتقدر تستخدم هالطريقة على اي برنامج اخر سواء KiK او Twitter او BBM او Instagram او حتى SnapChat واي برامج اخرى .