اليوم بتكلم عن اداة جداً رائعة في البداية ما كنت مهتم فيها لكن بعد ما جربتها اكتشفت انها فعلاً اداة لازم تكون بكل جهاز وهي رائعة جداً ومفيدة وهي اداة Watchdog والتي ستمكنك من جعل التطبيقات تعمل في الخلفية ، يعني مثلاً شغلت موسيقى ع اليوتيوب من تطبيق سفاري مجرد ما تروح للشاشة الرئيسية لجهازك الفيديو اللي كان شغال راح يوقف واذا رجعت لسفاري راح يكمل لكن مع هالاداة حتى لو قفلت الشاشة الفيديو راح يضل شغال وهالشيء جداً رائع وحتى بعض المستخدمين راح يستفيدون منها في كلاش او كلانس او سناب شات لتحديث الستوري او حتى في السيديا لتحديث السورسات وغيره واي تطبيق اخر ممكن تفيدك هالاداة فيه .
عشان تشغل التطبيق بالخلفية كل اللي عليك انك تضغط بشكل مستمر على ايقونة التطبيق وهو شغال بالخلفية الين تظهر هالعلامة اللي ب الصورة وبعدها راح يشتغل التطبيق في الخلفية .
او عندك خيار ثاني لتشغيل التطبيق في الخلفية وهالشيء اشوفه متعب وهو انك تروح للإعدادات بعدها إعدادات الاداة وراح تشوف قائمتين الاولى Backgrounding Enabled وهي التطبيقات المفعلة للعمل بالخلفية والقائمة الثانية Backgrounding Disabled وهي التطبيقات التي لاتعمل بالخلفية من هالقائمة ادخل لأي تطبيق وفعل الخيار Enable Backgrounding وراح يتفعل التطبيق بالخلفية .
إسم الاداة Watchdog وهي موجودة بالسيديا مجاناً على سورس BigBoss .
