دايم كل بعد فترة حاول تغير خلفية جهازك كذا راح تحس بفرق وتحس انه جوال جديد وتخاف عليه من جديد وكل ماكانت الخلفية رهيبة تحس الجوال يصير ارهب وكثير الخلفيات موجودة في المواقع لكن صعب تحصل خلفيات عالية الدقة الا في بعض المواقع المهتمه في تفاصيل الخلفية .
ولأن صعب تلقى خلفيات عالية الدقة جبت لكم تطبيق فيه خلفيات عالية الجودة 4K و HD لا ويتم تحديث الخلفيات بإستمرار بدون ماتحتاج انك تحدث التطبيق ويتميز التطبيق بالعديد من المزايا الرائعة ومنها ان الخلفيات يتم اضافتها بشكل يومي وبصيغ عالية الجودة والوضوح وبدون الحاجة الى تحديث التطبيق في جهازك يعني كل اللي عليك تسويه تقفل التطبيق وترجع تشغله وراح تحصل خلفيات جديدة نزلت في نفس التطبيق .
وتقدر تقيم الخلفيات وتعطيها لايك اذا اعجبتك وايضاً تستطيع تحميلها على جهازك او انك تحطها خلفيه لجهازك من داخل التطبيق بدون ماتحملها على جهازك وهذي الميزة حلوه عشان توفرلك مساحة تخزين وغير كذا تقدر تشارك الخلفيات مع اصحابك ومتابعينك على مواقع التواصل الاجتماعي .
والميزة الاجمل انك تقدر تضيف خلفيات بنفسك من جهازك للتطبيق يعني تقدر تشارك خلفياتك التي تختارها مع مستخدمين اخرين في التطبيق وبكذا راح تقدر تاخذ لايكات منهم في حال اعجبتهم وتقدر يمكنك تغيير لون التطبيق في حال ان اللون ما عجبك وتختار الالوان اللي انت تبغاها .
وجميع الخلفيات يتم تصنيفها حسب الكلمات يعني مثلاً خلفيات للانمي وخلفيات الالعاب وخلفيات الافلام والجيش وغيرهم وتقدر تبحث عن الخلفيات عن طريق اسم الخلفية وفيه العديد من المزايا الرائعة في هذا التطبيق .
