اصدرت ابل تحديث iOS 8.3 رسمياً والذي اتى بالعديد من الإصلاحات وسد بعض الثغرات وايضاً تم إصدار iOS 8.4 Beta 1 للمطورين مع تطبيق الموسيقى الجديد كلياً .
حالياً السؤال المهم هل يوجد جيلبريك ؟
طبعاً كلنا كنا نتوقع ان فريق TaiG يعلن عن الجيلبريك في المؤتمر اللي اقاموه يوم 27 مارس لكن توقعاتنا ما كانت في محلها ، وقد عرض فريق TaiG مكافأة لأي شخص عنده ثغرة او اكتشف ثغرة في iOS وان يقوم بمراسلتهم من اجل الثغرة ، طبعاً نستنتج من هذا كله ان الفريق ماعنده ثغرة يستغلها في نظام ال iOS ولا نعلم اذا حالياً اكتشفوا ثغرة او لا لانهم ماصرحوا ب اي شيء الى الان .
وطبعاً ب النسبة لإصلاحات ابل في نظام iOS 8.3 يقولون ان فيه ثغرة سدتها ابل واشارت بالفضل لفريق TaiG ما اتوقع ان هالثغرات لها دخل بالجيلبريك لانه لو كانت تعطينا استغلال للجيلبريك مان شفنا على الاقل جيلبريك لتحديث iOS 8.1.3 اللي من بعده انقطع الجيلبريك .
طبعاً فيه اخبار بأن الهكر الالماني Stefan توصل لثغرة بنظام iOS 8.3 طبعاً لو كان هالخبر صحيح مانتوقع انه راح يعلن عنه خصوصاً بعد اللي صار بينه وبين فريق Pangu اللي وصفهم بأنهم فريق صيني مهووس وانهم قد انتهكو خصوصيته في استخدام ثغراته ، وقد نشر فريق Pangu مقال على مدونتهم يتحدث عن انهم ضيعو الكثير من الوقت في الحديث مع الهكر الالماني Stefan وانهم نسوا تجربة ثغراتهم على iOS 8.3 ويتبين لنا هنا انه من الممكن لديهم جيلبريك ولكنه قيد التطوير .
حالياً لايوجد جيلبريك لأي من هالاصدارات ، iOS 8.1.3 او iOS 8.2 او iOS 8.3 ومن يدعي غير ذلك فهو نصاب .
طبعاً فيه بعض الاشخاص والحسابات والمواقع اللي تدعي انها توصلت للجيلبريك وبعض الاشخاص قامو بتزوير مواقع على انه موقع فريق Pangu او TaiG ويدعون فيها انهم نشرو الجيلبريك طبعاً ماننصحك تحمل اي اداة من هالمواقع لانهم من الممكن يخترقون جهازك وخصوصياتك واذا وصل الجيلبريك لأي إصدار سواء iOS 8.1.3 او iOS 8.2 او iOS 8.3 راح ننشر لكم اول بأول سواء في المواقع او عبر حسابنا على تويتر .
