انشاء حساب جيميل Gmail ممكن الكثير من الأشخاص المبتدئين ما يعرفون طريقة انشاء حساب جيميل التابع لشركة Google طيب ممكن بعض الاشخاص ما عنده ايميل لذلك انا راح اشرح لكم طريقة انشاء حساب جيميل لأنه راح يفيدك في اشياء كثير ممكن تسويلك حساب في الـ iCloud عن طريقه او ممكن تسوي لك حساب Apple ID او اي شيء غيرهه ، طبعاً اخترنا جيميل لأن له مميزات كثيرة واستخدامه بسيط ولا ننسى إنه تابع لأفضل شركة وهي Google طيب نبدأ على بركة الله اول شيء نشوف مميزاته .
مميزات حساب جيميل
طبعاً حساب Gmail يقدم لك مميزات رائعة ومنها .
1 – حماية قوية للإيميل يعني ما نقول مستحيل لأنه مافي شيء مستحيل لكن صعب احد يخترق حسابك إذا كنت متبع إرشادات قوقل .
2 – مجرد التسجيل في جيميل Gmail كل الخدمات راح تكون متاحة لك يعني إيميل واحد يشمل جميع خدمات قوقل سواء Google Drive او Youtube او Gmail وغيرها من خدمات Google .
3 – سعة التخزين راح تكون كبيرة جداً .
4 – فيه ميزة رائعة عجبتني جداً وهي انك مثلاً إذا دخلت على رسائل البريد وفصل النت عليك عادي تقدر تتصفح جميع الرسائل بدون إنترنت .
5 – وفيه مميزات أخرى رائعة .
انشاء حساب جيميل Gmail
طبعاً انا في هالموضوع راح اشرح لكم طريقتين لإنشاء حساب جيميل Gmail الأولى عن طريق الكمبيوتر و الثانية عن طريق الايفون او اي جوال اخر .
ونبدأ بالأولى وهي عن طريق الكمبيوتر .
الخطوة الأولى : نقوم اولاً بالتوجه لهذا الرابط Gmail بعد الدخول إلى الرابط نضغط على المربع الازرق إنشاء حساب وراح يحولنا لصفحة ثانية مثل اللي بالصورة .
الخطوة الثانية : بعدها راح يظهر لنا مثل اللي بالصورة ولازم نعبي جمبيع البيانات وعشان اسهل عليكم راح اشرح لكم كل فراغ وش تعبي فيه .
الفراغ الاول : تحط اسمك والفراغ اللي جنبه تحط لقبك .
الفراغ الثاني : في الفراغ الثاني اختار الإيميل اللي انت تحبه طبعاً اقل شيء يكون من 6 أحرف واكثر شيء 30 حرف كما انه يشترط ان لا يكون مكرر وإذا كررته بيظهر لك تنبيه “أحد الأشخاص يستخدم اسم المستخدم هذا من قبل. هل تريد تجربة اسم مستخدم آخر؟ ” وراح يقترح عليك إيميل قريب من اللي انت اخترته يعني مثلاً إذا انا اخترت Cydiatweaks وكان هالايميل محجوز راح يظهر لي تنبيه ويقولي انه متوفر مثلاً Cydiatweaks12 .
الفراغ الثالث : هنا تحط كلمة مرور او باسورد طبعاً لازم 8 أحرف على الأقل كما انه ماراح يسمح لك تستخدم كلمات مرور سهلة وواضحة عشان لحد يخمن ويعرف اباسورد بسهولة واصلاً إذا استخدمت باسورد سهل راح يقولك ” الكلمات الشائعة تكون سهلة التخمين. هل تريد إعادة المحاولة؟ ” .
الفراغ الرابع : هنا تكرر كلمة المرور اللي كتبتها قبل شوي .
الفراغ الخامس : هنا تحط تاريخ ميلادك باليوم والشهر والسنة ولازم تكون السنة من اربعة ارقام يعني مثلاً : 2016/Jun/1 , كما اني انصحك ماتحطه اي شيء لازم تكون حريص من هالناحية لأنك بتحتاجه مستقبلاً إذا تهكر إيميلك او انسرق او نسيته او اي شيء ثاني .
الفراغ السادس : تختار جنسك ذكر او انثى .
الفراغ السابع : هنا تختار دولتك وتكتب رقم جوالك .
الفراغ الثامن : عنوان بريدك الإلكتروني الحالي وهو اللي راح يكون بديل في حال انسرق ايميلك او تهكر او نسيته ولا تحط اي شيء لأنك لو حطيت اي شيء بيصير سهل الواحد يسرق ايميلك .
طبعاً في مربع صغير اذا حطيت عليه صح يصير ماتكتب الكود اللي بالصورة لكن راح يرسل كود على جوالك ويطلب منك تكتبه واذا خليته فاضي بدون علامة صح يخليك تكتب الكود اللي بالصورة وما يرسل لك رسالة على جوالك هذا الخيار فقط عشان يتأكد انك مو بوت .
بعدها اختار الموقع اللي هي دولتك .
ومن ثم حط علامة صح على اوافق على بنود خدمة وسياسة خصوصية Google واذا عندك وقت وفاضي اقراها المهم وبعدها اضغط الخطوة التالية .
الان راح يحولك لصفحة مثل اللي بالصورة ومبروك عليك تم إنشاء الإيميل وانت كذا انتهيت وتقدر تدخل على إيميلك وتستخدمه .
انشاء حساب جيميل عن طريق الجوال
الخطوة الاولى : نروح للـ App Store او Google Play ونبحث عن تطبيق Gmail ونثبته .
الخطوة الثانية : نروح للـ Manage Account ونروح وننزل تحت نحصل Add Account نضغط عليها .
الخطوة الثالثة : الان راح يفتح لك صفحة اخرى موجود فيها فراغين هذي اذا كان عندك إيميل سابق تسجله هنا لكن بما اننا نبغا نسجل حساب جديد نضغط على Create an account .
الخطوة الرابعة : راح ينقلنا لصفحة اخرى نعبي فيها البيانات المطلوبة طبعاً البيانات المطلوبة هي مثل اللي فوق .
الفراغ الاول : الاسم الاول واللي هو اسمك الفراغ اللي جنبه الإسم الثاني واللي هو لقبك .
الفراغ الثاني : تختار الإيميل اللي انت تبيه طبعاً مثل ماذكرنا فوق يشترط ان يكون عدد الاحرف اقل شيء يكون من 6 أحرف واكثر شيء 30 حرف .
الفراغ الثالث : الباسورد واقل شيء يكون 8 احرف وارقام وما يكون سهل .
الفراغ الرابع : تكرر الباسورد .
الفراغ الخامس : يوم ميلادك باليوم و الشهر و السنة .
الفراغ السادس : الجنس ذكر او اثنى .
الفراغ السابع : هنا تختار الدولة عشان مفتاح دولتك وبعدها تحط رقم جوالك عشان يرسلون لك كود مع العلم انك تسترجع ايميلك مستقبلاً اذا تهكر او انسرق لا سمح الله عن طريق جوالك .
الفراغ الثامن : الايميل البديل .
اذا ماكنت تبي تكتب الكود اللي بالصورة حط علامة صح على المربع لكن راح يرسلون لك كود على جوالك واذا ماحطيت صح بس تكتب الكود ولا يحتاج تأكد من جوالك .
الفراغ الاخير : بعدها اختار دولتك .
الان حط علامة صح على I agree to the Google Terms of Service and Privacy Policy واختار بعد Continue .
الان راح يحولك لصفحة اخرى يقولك مرحباً الان انت جاهز ومن هالكلام حالياً انت انتهيت وسويت حساب اضغط على Get started ومبروك عليك حساب جيميل .
