قامت ابل قبل عدة ايام بإطلاق تحديث iOS 9.3.2 لكن فيه ناس تبي ترجع للتحديث اللي قبل وهو iOS 9.3.1 ممكن لسبب انه واجهتهم مشكلة او شيء مع العلم ان تحديث iOS 9.3.1 ماله جيلبريك ولا حتى تحديث iOS 9.3.2 كلها مالها جيلبريك يعني سواء كنت على هالتحديث او اللي قبل ماتفرق الإصدارات اللي بعد iOS 9.1 كلها مالها جيلبريك بس انا انصحك وافضل انك تبقى على تحديث قبل التحديث الاخير ليش ؟ .

عشان لما ينزل جيلبريك نفس الجيلبريك اللي نزل لـ iOS 9.1 انت تقدر وقتها تثبت الجيلبريك ولو نزل جيلبريك للتحديث الاخير انت ايضاً تقدر تحدث وتثبت الجيلبريك يعني بتكون مستفيد في كل الحالتين ، لكن لو كنت على اخر إصدار ووقتها قامت ابل بإغلاق نافذة الرجوع للإصدار القديم ونزل جيلبريك للإصدار القديم انت هنا ماتقدر ترجع وتثبته يعني بيصير معك مثل ماصار مع iOS 9.1 ، طيب في هالموضوع بشرح طريقة الرجوع للإصدار iOS 9.3.1 , نبدأ على بركة الله .

خطوات عليك عملها قبل الرجوع من iOS 9.3.2 إلى iOS 9.3.1

قبل البدأ في الرجوع إلى iOS 9.3.1 عليك اولاً أخذ نسخة إحتياطية لبياناتك عن طريق الأيتونز وهنا الشرح كيفية عمل نسخة إحتياطية واستعادتها للايفون والايباد .

الرجوع من iOS 9.3.2 إلى iOS 9.3.1

طبعاً خليني اوضح لك شغلة عشان تكون في الصورة النسخة الإحتياطية اللي راح تسويها في iOS 9.3.2 ماراح تقدر تسترجعها في iOS 9.3.1 لكن عليك انك تاخذها إحتياط فقط يعني إذا فكرت في يوم ترجع لـ iOS 9.3.2 تقدر تسترجعها مرة ثانية وإذا ماحبيت تسوي هالخطوة تجاهلها لكن ماينقصك شيء لو سويتها والإحتياط واجب خصوصاً إذا كانت عندك بيانات مهمة .

الشيء الثاني اللي راح تحتاجه هو تحميل إصدار iOS 9.3.1 وتقدر تحمله من هنا حسب نوع جهازك تحميل تحديث iOS 9.3.1 .

الشيء الثالث اللي راح تحتاجه هو جوالك < لا يا شيخ :) !! .

الشيء الرابع سلك الـ USB لجهازك .

واكيد راح تحتاج برنامج الايتونز .

 

كيفية الرجوع من iOS 9.3.2 إلى iOS 9.3.1

للرجوع للإصدار iOS 9.3.1 لن تحتاج إلا لخطوات بسيطة فبعد عمل الخطوات السابقة نبدأ بالشرح .

الخطوة الأولى : قم بتعطيل العثور على الايفون روح الاعدادات > iCloud > تعطيل Find My iPhone .

الخطوة الثانية : اذا كنت حاط باسورد او بصمة عطلها .

الخطوة الثالثة : اشبك جهازك بالكمبيوتر عن طريق وصلة الـ USB وشغل الايتونز و انتقل لـ Summary في برنامج الايتونز .

الخطوة الرابعة : اضغط من الكيبورد alt للماك و Shift للويندوز بإستمرار مع الضغط على إستعادة الايفون او Restore واختار ملف ipsw للإصدار iOS 9.3.1 اللي حمتله من فوق .

الرجوع من iOS 9.3.2 إلى iOS 9.3.1

الخطوة الخامسة : الأن ماعليك سوى الإنتظار لحين الإنتهاء من الرجوع وبيسوي جوالك ريستارت وبتشوف شاشة الترحيب .

الرجوع من iOS 9.3.2 إلى iOS 9.3.1

شرح فيديو لـ طريقة الرجوع من iOS 9.3.2 إلى iOS 9.3.1

وبكذا انت انتهيت ومبروك عليك الرجوع من iOS 9.3.2 إلى iOS 9.3.1 .