كثير منكم شاف شرح تطبيق Snapchat + بدون جيلبريك طبعاً اليوم برجع اشرح لكم طريقة باقي التطبيقات وتقدر تطبيقها ايضاً على السناب شات والتطبيقات الثانية مثل YouTube ++ و Whatsapp ++ و Instagram ++ و مثل ماقلنا Snapchat + طبعاً جميع هالتطبيقات تقدر تتمتع بمزاياها كأن جوالك يحتوي على جيلبريك طبعاً إذا كنت مستخدم سابق للجيلبريك وحدثت بالغلط او انت بالأصل ماتبي جيلبريك ولا عمرك ثبته وخايف وتبي مثل هالتطبيقات اللي تعطيك مزايا رائعة جداً وكأنك مستخدم جيلبريك فراح اشرح لك الطريقة اللي راح تخليك تستمتع فيها وعشان ازيد متعتك بقولك مزايا كل تطبيق بعد دمجه مع الاداة اللي راح نحملها بعد شوي .

 

مزايا تطبيق YouTube ++

طبعاً مزايا هالتطبيق كثيرة ولكن راح اشرح فيه الاشياء المهمة .

اول شيء ميزة هالتطبيق راح يسمح لك تحفظ جميع مقاطع الفيديو وبالجودة اللي انت تحددها طبعاً لازم يكون الفيديو داعم للجودة اللي انت تبيها .

ثانياً ميزة حجب الإعلانات حقت اليوتيوب اللي تجيب لك زر التخطي او اللي تجيك في نص المقطع بس بالمقابل تطبيق Youtube ++ راح يضيف هو إعلاناته بالشريط وتقدر توقف الاعلانات بإشتراك في نفس الاداة طبعاً سعر الإشتراك اذا كان جميع تطبيقات ++ راح يكون سعره 7 دولار اما اذا كان فقط لتطبيق اليوتيوب فسعره 2 دولار ونفس الطريقة مع باقي التطبيقات .

ثالثاً التطبيق يقدم ميزة رائعة وهي حفظ مقاطع الفيديو وتحويلها لتطبيق الموسيقى .

ومزايا اخرى وايضاً للتطبيق إعدادات خاصة .

 

مزايا تطبيق Snapchat +

طبعاً لأداة سناب شات بلس مزايا جداً رائعة وهي .

اولاً حفظ مقاطع الفيديو الصور وهالميزة كثير يبحث عنها سواء بتحميل التطبيقات او الادوات ولكن جميعكم انصحكم بهذه الاداة اذا كنتم تملكون جيلبريك واذا كنتم لاتملكون فأنصحكم بعمل الشرح الذي سأقوم بشرحه بعد قليل لدمج التطبيق مع الاداة .

ثانياً تغيير موقعك وهذي الميزة جداً رائعة وهي انك مثلاً تصور وانت في السعدية ولكن تخليها انك في لاس فيغاس طبعاً فيه فرق بين الاثنين بس مشي حالك هههههههه .

ثالثاً تقدر تسوي مجموعات وترسل لهم .

رابعاً ارسال الفيديو و الصور من الالبوم < هذي احسها تنفع للخرفنة .

خامساً احس اني فاقد الذاكرة مؤقتاً بس اذا تذكرت بكتبها .

المهم للأداة مزايا كثيرة ووالله ناسيها الزبدة ننتقل للي بعدها .

 

مزايا تطبيق Whatsapp ++

طبعاً للآداة هذي ايضاً مزايا رائعة ،هي .

اولاً إخفاء اخر ظهور لك .

ثانياً تعطيل إيصالات القراءة او اشارتين الصح .

ثالثاً القدرة على إضافة صورة بكامل حجمها لملفك الشخصي .

رابعاً إرسال اكثر من العدد المحدود للصور والفيديو في نفس الوقت .

خامساً تغيير لون الخط في المحادثات .

طبعاً ماتوقف هنا مميزاتها اكيد لها مميزات ثانية بس هذي يعني اهم شيء وايضاً لها اعدادات خاصة .

 

مزايا تطبيق Instagram ++

هذي الاداة والله ماجربتها لكن من مميزاتها حفظ الصور ومقاطع الإنستقرام .

 

متطلبات الشرح
  • جهاز ماك
  • جوالك
  • وصلة USB
  • برنامج Xcode وتحمله من متجر الماك

 

طريقة دمج تطبيقات الـ ++ مع تطبيقات مواقع التواصل الإجتماعي

طبعاً الطريقة سهلة جداً واسهل من الطريقة اللي قبل وبس طبق الشرح التالي خطوة بخطوة وكل شيء طبقه عن طريق جهازك الماك .

الخطوة الأولى : ندخل الموقع التالي ++ Tweak Sideloader ونحمل الأداة المطلوب دمجها مع التطبيق عن طريق الضغط على Download Zip او بالضغط هنا ++ Tweak Sideloader لتحميلها مباشرةً .

الخطوة الثانية : قم بتحميل التطبيق المراد دمج الاداة معه من موقع Vshare عن طريق كمبيوترك الماك وللدخول للموقع من هنا Vshare ابحث عن تطبيق المفضل او التطبيق اللي تبيه وطبق عليه الشرح ولازم يكون احد التطبيقات المذكورة في الاعلى .

الخطوة الثالثة : فك الضغط عن الملف اللي حملته واللي اسمه ppsideloader-master.zip وراح يظهر لك مجلد اسمه ppsideloader-master .

الخطوة الرابعة : الان نروح للتطبيق اللي حملناه ونغير اسمه إلى app.ipa ونضعه داخل المجلد التالي ppsideloader-master ونوافق على الإستبدال .

الخطوة الخامسة : الان نذهب إلى برنامج Xcode ونفتحه .

الخطوة السادسة : الان نروح إلى Xcode -> Preferences -> Accounts ونضيف حسابنا هناك عن طريق الضغ على + ومن ثم نضع الايميل والباسورد حق الـ Apple ID.

الخطوة السابعة : الان نضغط على Personal Team وبعدها View details .

الخطوة الثامنة : بجوار كلمة iOS Development إضغط على Create .

الخطوة التاسعة : الان في مجلد ppsideloader افتح المشروع التالي ppsideloader.xcodeproj .

الخطوة العاشرة : ppsideloader ثم إضغط مرة اخرى على ppsideloader .

الخطوة الحادي عشر : إنقر على علامة التبويب General .

الخطوة الثانية عشر : في خانة Bundle Identifier اكتب إسم فريد من نوعه يعني محد سماه  .

الخطوة الثالثة عشر : في الخيار التالي team اضغط على Personal Team .

الخطوة الرابعة عشر : اضغط على كلمة FIX .

الخطوة الخامسة عشر : اضغط على علامة بدء التشغيل في اعلى يسار البرنامج .

 

الخطوات بالفيديو