هناك البعض الذي قد لا يعرف طريقة تسجيل حساب جديد في تطبيق SnapChat لذلك اليوم سأشرح لكم طريقة التسجيل في تطبيق SnapChat لكي نساعد الذين لا يعرفون الطريقة ويكون هذا الشرح مرجع لهم .
طريقة التسجيل في تطبيق SnapChat
الخطوة الأولى : تحتاج لتحميل التطبيق على جهازك سواء كان iOS او Android ويمكنك تحميل التطبيق من الأسفل حسب نوع نظام جهازك يعني اختار App Store إذا كان جهازك iOS او اختار Google Play إذا كان جهازك Android .
الخطوة الثانية : بعد ما تحمل التطبيق افتحه راح تظهر لك مثل هالشاشة اللي بالصورة نختار SIGN UP .
الخطوة الثالثة : بعدها راح يطلب تعبي البيانات التالية .
في الخانة الاولى : Email Adress هنا طبعاً تحط إيميلك اللي تبي تسجل فيه ومستحيل ما يكون عندك إيميل .
في الخانة الثانية : New Password وطبعاً هنا الرقم السري اللي تبيه لحسابك .
في الخانة الثالثة : What is your bithday? هنا طبعاً تاريخ ميلادك .
الخطوة الرابعة : بعد ماتعبي البيانات نضغط على SIGN UP .
الخطوة الخامسة : بعد الضغط على SIGN UP راح يحولك لصفحة ثانية مثل اللي بالصورة تحتار فيها اليوزر نيم طبعاً إذا جاب لك ايقونة اليد الصغيرة مثل اللي بالصورة اللي على اليسار معناه انك تقدر تسجل بـ هالإسم , لكن إذا جاتك ايقونة اليد مثل اللي بالصورة اللي على اليمين معناه ما تقدر تسجل بـ هالإسم وأصلاً هو راح يقترح عليك اليوزرات المتوفرة تقدر تختار منها او تسوي اللي براسك .
الخطوة السادسة : الان بعد ما تختار اليوزر نيم وتضغط CONTINUE راح يحولك لصفحة التوثيق عن طريق رقم هاتفك طبعاً تختار دولتك في البداية وبعدها تحط رقمك بعد ماتحط رقمك تضغط VERIFY او إذا ما حبيت تسوي هالخطوىة تقدر تتخطاها عن طريق زر Skip الموجود بالأعلى على اليمين .
الخطوة السابعة : طبعاً عشان يتأكدون انك مو سبام لازم توثق فبعد ما تتخطى التوثيق عن طريق رقم جوالك راح يقولك يبيك تحدد الصور اللي فيها الشيء الفلاني طبعاً انا طلب مني إني احدد الصور اللي فيها شبح ما ادري إذا بيطلب منك شيء ثاني او لا طبعاً مثل ما تشوفون انا اخترت الصور اللي فيها شكل الشبح الان نضغط على CONTINUE .
الخطوة الثامنة : الان بعد ما اثبت لهم انك مو سبام عن طريق الصورة او رقم الجوال راح يفتح معك الحساب على طول وتقدر تستخدمه ومبروك عليك انت كذا انشأت الحساب وتقدر تضيف اللي تبيهم .
طريقة إضافة اصدقاء
عشان مثل ما قلت نخلي الشرح هذا مرجع راح اكمل معكم واقولكم كيف تصورون وكيف تضيفون اصدقاء ووين الخاص ووين الستوري وهالاشياء .
طبعاً عشان تضيف صديق لازم تعرف حسابه او يكون قريب منك او يكون رقمه بجوالك .
الخطوة الاولى : طبعاً اول ما تفتح السناب راح يظهر لك مثل اللي بالصورة إذا تبي تضيف اصدقاء نضغط على ايقونة الشبح الصغيرة و الموجودة بالاعلى .
الخطوة الثانية : بعدها راح تظهر لك مثل الخيارات اللي بالصورة الخيار الاول وهو Added Me هنا بيجيب لك الحسابات اللي اضافتك يعني اي شخص اضافك بيظهر لك ان فلان اضافك وتقدر تضيفه اذا كنت تبي اما الخيار الثالث My Friends هنا بتحصل اصدقائك اللي انت ضايفهم اللي يهمنا حالياً هو الخيار الثاني اللي هو Add Friends واللي هو إضافة اصدقاء طيب نضغط عليه .
الخطوة الثالثة : الان راح يحولك لصفحة ثانية فيها عدة خيارات عشان تضيف فيها اصدقاء .
الطريقة الاولى : Add by Username هذا الخيار اذا كنت عارف اليوزر نيم حق خويك واللي وسويناه في طريقة التسجيل في الخطوة الخامسة هذا اذا اعطيته خويك يقدر يضيفك عن طريقه طيب اذا انت مو عارف حق خويك وتبي طريقة ثانيه تضيفه فيها طيب نروح للطريقة الثانية .
الطريقة الثانية : وهي Add from Address Book وهي عن طريق جهات الإتصال اللي مسجلة بجوالك طبعاً لازم تحط رقم جوالك اذا تبي تستخدم هالطريقة واللي تخطيناها في الخطوة الاخيرة من التسجيل طيب اذا الشخص اللي تبي تضيفه رقم جواله مو عندك شلون تضيفه عندك ننتقل للطريقة الثالثة .
الطريقة الثالثة : وهي عن طريق هالصورة خلي خويك يصور شاشته ويرسلها لك او انت صورها من جواله عن طريق الكاميرا وبعدين اختار Add by Snapcode واختار الصورة اللي صورتها او خويك ارسلها لك .
طيب الطريقة الرابعة والاخيرة : لازم يكون خويك جنبك وتطلب منه ان يفتح Add Nearby وانت تفتحها وراح تضيفه عن طريقها إذا كل هالطرق ما عجبتك او ما تبي تختار منها قفل السناب و احذفه من جوالك : \ .
طريقة تصوير فيديو او صورة و إرسالها على الخاص او على الستوري
طيب انت تبي تصور صورة او فيديو وتبي ترسلها لشخص على الخاص عشان تصور فيديو في هالشاشة إذا ضغطت ضغطة وحده على الدائرة الشفافة راح يصور صورة اما اذا طولت في الضغطة راح يصور فيديو على حسب مدة ضغطك وتقدر تضيف فيسات وتكتب بيدك او تكتب ب الكيبورد او ترسم او غيره من الخيارات الموجودة عندك .
طيب بعد ما صورت السنابة وحبيت ترسلها لشخص على الخاص او اكثر من شخص على الخاص او على الستوري طبعاً اذا ارسلتها ع الستوري الكل راح يشوفها لكن إذا ارسلتها على الخاص فقط الأشخاص اللي ارسلت لهم راح يشوفوها طبعاً نضفط ايقونة السهم وراح يجيك المضافين عندك اذا حددت My Story راح ترسلها لكل الاشخاص اللي عندك اما إذا حددت الاشخاص اللي قدامهم مربع راح تروح لهم فقط .
حالياً بعد هالشرح ان شاءالله انت تعلمت كيف تضيف اصدقاء وترسل على الخاص وترسل ع الستوري وهذا المهم واتمنى ان هالشرح يفيد الكثير من الاشخاص .
