تطبيق PlayBox HD هو تطبيق مثل MovieBox لكن PlayBox HD افضل من عدة نواحي اولها انك ماتحتاج VPN عشان تشوف الانمي او البرامج التلفزيونية او الافلام ، وتقدر تحمل الانمي او اي شيء ثاني وتشاهده بدون إنترنت وكل شيء في هالتطبيق مجاني ويدعم الترجمة العربية وهذا اهم شيء للي مايعرفون انجليزي وتقدر ايضاً من نفس التطبيق تحمل المقاطع من اليوتيوب .
اول شيء طريقة تحميل تطبيق Playbox HD بدون جيلبريك .
فيه عدة طرق لتحميل هالتطبيق واولها واللي الموقع نفسه وضعها لك و بعض المواقع شرحتها هي عن طريق الدخول للموقع Playbox ثم الضغط على Playbox HD Download
طبعاً البرنامج من زمان وانا استخدمه وحبيت اثبته على جهازي الثاني بدون جيلبريك لكن طلعت مشكلة وهي انك لما تدخل موقع التطبيق وتحمل التطبيق راح يطلبك حساب Apple و الباسورد الموقع ما قصر ووضع كل شيء لكن المشكلة في اللي يحبون يغيرون الباسورد وحبيت احل هالمشكلة بالطريقة الثانية وهي بسيطة .
الطريقة الثانية لتحميل تطبيق Playbox HD بدون جيلبريك .
اذا جربت الطريقة اللي فوق وما اشتغل معك الحساب احذف التطبيق وادخل هالموضوع تحميل تطبيق Vshare بدون جيلبريك وبعد ماتحمله ادخل على تطبيق Vshare وابحث عن Playbox HD .
رحح يظهر لك البرنامج حمله وثبته ، من الممكن تواجهك مشكلة يقولك حاول مرة اخرى عاد انت حاول مره واثنين و ثلاث الين تزبط لانها واجهتني هالمشكلة وزبطت ، بعد ماتحمله وتثبته راح يشتغل معك التطبيق بدون مايطلب منك لا حساب ابل ولا هم يحزنون .
وهالطريقة راح تنفع اذا كان جهازك فيه جيلبريك او مافيه جيلبريك .
طريقة تحميل مقاطع اليوتيوب من تطبيق Playbox .
من المزايا الرائعة التي يحملها هذا التطبيق هي امكانية تحميل الفيديوهات من اليوتيوب ، وطريقة التحميل سهلة جداً .
اولاً قم بالدخول لليوتيوب ونسخ رابط المقطع .
الان اذهب لتطبيق Playbox وقم بالضغط على ايقونة البحث وقم بلصق رابط المقطع ، وسيظهر لك المقطع .
