اليوم بأخرج عن مواضيع ابل لأن فيه كم شخص يعاني من مشكلة الإتصال في الياف موبايلي ( eLife ) وبما إني من هالأشخاص فحبيت اقدم حلين بسيطة وطبعاً قبل لا أتكلم عن الحلين اول شيء نتكلم عن المشكلة وهي انه بعض الصفحات في اي موقع سواء قوقل او البوابة الرقمية او هالمدونة او اي موقع اخر راح تلاحظ ان بعض صفحاته ماتفتح وتجيك رسالة انه مشكلة بالإتصال مثل الصورة .
طبعاً هالمشكلة كنت آظن إنها من عندي لكن أكتشفت اني مو الوحيد اللي اعاني منها وبعض أعضاء البوابة الرقمية اللي عندهم الياف موبايلي يعانون من هالمشكلة وبما إننا في السعودية شيء مو غريب على شركات الإتصال .
طبعاً موبايلي مو معترفة بأن المشكلة عامة وعشان كذا فيه حلين لحل هالمشكلة وهالحلين مؤقتاً فقط اولهم إنك تستخدم إتصال VPN او بروكسي طبعاً فيه تطبيقات كثير ع الهواتف الذكية راح تخدمك وحتى على أجهزة الكمبيوتر .
اما الحل الثاني وهذي لبعض المواقع اذا كنت فاتح قوقل من الكمبيوتر وحبيت تدخل لموقع وظهرت لك نفس الصورة الحل إنك تكتب إسم الموضوع في قوقل عن طريق فايرفوكس وتروح للموقع اللي تبي تدخله وبعدها تضغط السهم إللي متجه للأسفل وتختار نسخة مخبئة وإن شاءالله راح يفتح معك .
