اليوم جبت لكم طريقة حفظ مقاطع السناب شات بدون جيلبريك والصور ايضاً كما يمكنك إرسال الصور والفيديوهات من الالبوم للستوري وهالطريقة جبتها للأشخاص اللي ماعندهم جيلبريك ويبون يستخدمون السناب شات مع اداة مثل الفانتوم او سناب شات بلس المهم انه شيء يقدر يخليهم يحفظون الصور والفيديوهات للسنابات اللي تجيهم او يرسلون صور او فيديو من الاستديو للستوري وغيره من المزايا الرائعة واللي تخليك تستخدم السناب شات كأن جهازك في جيلبريك ، طبعاً نزلت لكم هالطريقة خصوصاً للأشخاص اللي مايحبون يستخدمون جيلبريك واللي إصداراتهم اعلى من iOS 9.1 لأن اللي اعلى من هالإصدار جميعها إلى الان مالها جيلبريك لذلك هذي مجرد تصبيرة ، طبعاً عيب هالميزة شيء واحد ان اللي ماعندهم اجهزة ماك ماراح يقدرون يستخدمون هالطريقة يعني لازم يكون عندك جهاز ماك بوك او ايماك او اي جهاز OS X طبعاً ان شاءالله الطريقة سهلة كل اللي عليك تمشي معي خطوة خطوة واذا مافهمت راح احطلك فيديو في نهاية الشرح عشان تشوف منه طريقة التطبيق .

 

متطلبات الشرح

  • جهاز ماك .
  • ايفونك .
  • وصلة USB .
  • برنامج XCode .

 

طريقة حفظ مقاطع السناب شات بدون جيلبريك

طبعاً قبل ابدأ عشان لحد يتلخبط جميع هالخطوات راح تسويها من جهازك الماك واذا ماعندك ماك تسلف من خويك او دبر نفسك المهم نبدأ الشرح .

الخطوة الأولى : نروح اول شيء للموقع التالي TweakPatcher ونضغط على Download Zip .

الخطوة الثانية : الان نروح لقوقل ونكتب ” Snapchat Free Download (Ver:9.27.5.0) ” طبعاً عشان اسهل عليك جبت لك رابط التحميل من الـ Vshare من هنا SnapChat .

الخطوة الثالثة : الان بعد ماتحميل نسخة السناب شات من فوق حطها في نفس الملف اللي فيها الملف المضغوط اللي حملته من فوق ولاتنى تفك عنه الضغط وايضاً اعد تسمية تطبيق السناب شات للأسم التالي ” Snapchat.ipa ” .

الخطوة الرابعة : الان يجب ان يكون عندك برنامج XCode واذا ماعندك حمله من متجر App Store الخاص بالماك ، طبعاً ممكن يتحمل معك في 3 ساعات او اقل او اكثر حسب سرعة النت عندك لأن حجمه كبير شوي فصاحب الشرح بـ Ridit اسمه Defying يقول انه اخذ منه تقريباً 3 ساعات اما انا اخذ مني ساعة وحدة تقريباً ولله الحمد لذلك يفضل انه تحمله قبل تبدأ في الشرح .

الخطوة الرابعة : الان بما انه معك جميع الملفات الضرورية روح وشغل الـ Terminal او الوحدة الطرفية او اللي اسمها المهم روح افتحها او تقدر تروح لـ ايقونة البحث في اعلى يمين الجهاز اضغط عليها واكتب فيها Terminal وراح تظهر لك وشغلها .

الخطوة الخامسة : اكتب كلمة ” cd ” ثم اسحب المجلد TweakPatcher للتيرمنال اللي حملته في الخطوة الأولى ويكون بداخله تطبيق السناب شات بنفس الإسم بالخطوة الثانية ومن المفترض انه بعد سحب المجلد للتيرمنال انه يظهر معك مثل الصورة التالية .

 

حفظ مقاطع السناب شات بدون جيلبريك

الخطوة السادسة : الان بعد ماتدخل للمجلد التالي TweakPatcher في التيرمنال انسخ هالكود ” ./tweakpatcher.sh patch snapplus Snapchat.ipa ” والصقه في التيرمنال واضغط إنتر وانتظر لين ينتهي .

الخطوة السابعة : الان التيرمنال راح يعطيك خطوات لإنشاء مشروع في برنامج XCode لذلك انا اشوف انك تشوف الشرح التالي وتكمل معه افضل لأن صعب اشرح لك باقي الخطوات كتابياً لذلك شاهد الفديو التالي وطبق معه وان شاءالله كل شيء سهل لكن عشان اسهل عليكم اكثر راح اشرح لكم الخطوات ولكن كنصيحة كمل مع الفيديو .

الخطوة الثامنة : الان بعد فتح التيرمنال نضغط على ” Create a new Xcode project ” ثم نحدد على ” Master-Detail Application ” ثم نضغط Next .

الخطوة التاسعة : الان راح يطلب مننا Product Name الان نروح للتيرمنال ونحصل مكتوب Product Name : وامامه إسم ننسخه ونروح نلصقه في الـ XCode ونضغط Next ثم Create .

الخطوة العاشرة : الان في Deployment Target اكتب 9.3 وبعدها اضغط على Fixx Issue .

الان شوف الشرح التالي وكمل معه عشان تعرف طريقة الإستخدام .

 

طبعاً الطريقة راح تمكنك من حفظ مقاطع السناب شات والصور وايضاً يمكنك إرسال الصور والفيديوهات من الالبوم للستوري وتغير موقعك واشياء اخرى مثل مزايا اداة Snapchat + وكل هذا بدون جيلبريك .

المصدر : reddit .