اليوم بشرح لكم طريقة نقل الصور من الايفون للكمبيوتر بأكثر من طريقة راح اتطرق في هالموضوع لأكثر من طريقة يعني إن شاءالله اي احد يبي ينقل صورة من الايفون للكمبيوتر راح يسهل هالشرح عليه طبعاً وش الطرق اللي راح نستخدمها في هالموضوع راح نستخدم عدة طرق لنقل الصور من الايفون للكمبيوتر ومنها اول طريقة راح نستخدمها هي عن طريق برامج تصفح الملفات مثل iBrowse او iFunBox او اي برنامج غيرهم من البرامج اللي تسمح لك انك تتصفح ملفات الايفون والطريقة الثانية راح تكون عن طريق برنامج iFunBox اما الطريق الثالثة فهي عن طريق برنامج iTools يعني عندنا ثلاث طرق اختار منها اللي يعجبك وتشوفه سهل طبعاً عشان اسهل عليكم اكثر شرحت لكم بالصور و الفيديو الان اخليكم مع الشرح .
اولاً طريقة نقل الصور من الايفون للكمبيوتر عن طريق برامج تصفح الملفات
الخطوة الأولى : حمل اي برنامج لتصفح الملفات لأجهزة الـ iOS وفيه منها كثير مثل iFunBox او iBrowse وغيرها .
الخطوة الثانية : أشبك وصلة الـ USB بالكمبيوتر ووصلها بالجهاز .
الخطوة الثالثة : افتح برنامج تصفح الملفات وانا راح استخدم iBrowse نفتحه .
الخطوة الرابعة : بعد فتح البرنامج نروح للمسار التالي ” Var/Mobile/Media/DCIM ” .
الخطوة الخامسة : راح تحصل مجلدين هناك وفيهم كل الصور اسحبهم لسطح المكتب ومبروك عليك إذا كنت تستخدم برنامج iBrowse طبعاً مجرد ماتشبك جهازك وتشغله راح تحصل مجلد DCIM اللي فيه الصور قدامك يعني ما يحتاج تبحث لكن اللي يستخدم غيره لازم بنتقل للمسار اللي كتبته .
شرح فيديو للطريقة .
ثانياً طريقة نقل الصور من الايفون للكمبيوتر عن طريق برنامج iFunBox
الخطوة الأولى : سنحتاج في هذه الطريقة برنامج iFunBox يمكنك تحميل البرنامج من صفحة التحميل من هنا Download Page او أنسخ الرابط وحطه بالمتصفح https://cydia-tweaks.net/download/ وتحصل برنامج iFunBox بالأسفل .
الخطوة الثانية : بعد تحميل برنامج iFunBox نجيب سلك الـ USB ونشبكه بالكمبيوتر ونوصله بالجهاز .
الخطوة الثالثة : نفتح برنامج iFunBox ومن اليسار نختار Camera .
الخطوة الرابعة : نحدد الصور اللي نبي ننقلها للكمبيوتر .
الخطوة الخامسة : الان بعدد تحديد جميع الصور اللي تبي تنقلها نضغط على السهم اللي مكتوب تحته نسخ إلى جهاز الماك .
الخطوة السادسة : الان حدد المكان اللي تبي تحفظها فيه وإذا تبيها في مجلد جديد تضغط على New Folder المهم تختار المكان اللي بتحفظه فيه الصور وتضغط Open وبعدها راح تنحفظ .
شرح فيديو للطريقة لا يتجاوز 20 ثانية .
ثالثاً طريقة نقل الصور من الايفون للكمبيوتر عن طريق برنامج iTools
الخطوة الأولى : سنحتاج في هذه الطريقة برنامج iTools يمكنك تحميل البرنامج من صفحة التحميل من هنا Download Page او أنسخ الرابط وحطه بالمتصفح https://cydia-tweaks.net/download/ وتحصل برنامج iTools بالأسفل .
الخطوة الثانية : بعد تحميل برنامج iTools نجيب سلك الـ USB ونشبكه بالكمبيوتر ونوصله بالجهاز .
الخطوة الثالثة : نفتح برنامج iTools ومن فوق نختار Photos .
الخطوة الرابعة : نختار بعدها من اليسار Photos مرة ثانية وراح تظهر لنا جميع الصور بالتواريخ اللي صورت فيها الصور .
الخطوة الخامسة : نحدد جميع الصور اللي تبغى تنقلها للكمبيوتر او عندك من فوق Select All تحدد فيها جميع الصور او تقدر تحدد صور محددة .
الخطوة الساسة : بعد تحديد الصور اللي تبي تنقلها لجهازك الكمبيوتر تضغط على Export .
الخطوة السابعة : بعد تحديد الصور و الضغط على Export راح يجيك مربع مثل اللي بالصورة تقدر تسوي إنشاء مجلد جديد بالمكان اللي تبيه او تختار مجلد او تحطها بسطح المكتتب انت حر المهم بعد ماتختار المجلد تضغط على موافق وراح يظهر شريط انه يتم حفظ الصور انتظره لين ينتهي وبعدها تروح للمجلد اللي حفظت فيه الصور وتحصل الصور موجودة ومبروك عليك .
شرح فيديو للطريقة .
قريباً ..
